Total Pageviews

Saturday, June 10, 2017

பெருகும் தொழில்நுட்ப வளர்ச்சி

நான் கடைசியாக இங்கு பதிவிட்டதற்கும் இப்பொவும் சோசியல் மீடியாவில் பல மாற்றங்கள் வந்துவிட்டன. குறிப்பாக வாட்ஸாப், ட்விட்டர், பேஸ் புக் போன்றவற்றில் இப்பொழுது இளைஞர்கள் மட்டுமின்றி ஐம்பது அறுபது வயதிற்கும் மேல் உள்ளவர்கள் கூட அதிகமாக பயன்படுத்த ஆரம்பித்து விட்டனர். ஆரம்ப காலத்தில் பேஸ் புக்கை புகைப்படம் பதிவேற்றுவதற்கும், செய்திகள் அனுப்புவதற்கும், புகைப்படங்களுக்கு கருத்துகள் பரிமாறிக்கொள்ளவுமே பெரும்பாலும் பயன்படுத்தப்பட்டது. மொபைலில் வசதிகள் பெருக பெருக பேஸ் புக், வாட்ஸாப் எல்லாம் பயன்பாடு மற்றும் வசதிகள் கூடின. குறிப்பாக படங்கள், வீடியோக்கள் பகிர்வது, ஆன்லைனில் உள்ள எந்த ஒரு வெப்சைட்டில் உள்ள கட்டுரைகள், ஆர்டிகிள்ஸ் எல்லாம் எளிதில் பகிரப்படுகிறது. இந்த வளர்ச்சியை நல்ல முறையில் பயன்படுத்துபவர்கள் நிறைய பேர் உண்டு. இன்டர்நெட் வசதிகள் குறைவாக இருந்த காலத்தில் மக்கள் பத்திரிக்கை செய்திகளை படித்து உண்மை விவரங்களை தெரிந்து கொண்டனர். பின் நேரில் நண்பர்களோடு பகிர்ந்து விவாதத்தில் ஈடுபட்டனர். அனால் இன்றோ ஒவ்வொருவரும் அவரவர் கருத்தை ஆன்லைனில் பதிவு செய்ய முயற்சிக்கின்றனர். அவர்கள் கருத்தை நியாயப்படுத்தும் ஏதோ ஒரு ஆனலைன் ஆர்டிகிளை பகிர்கின்றனர். இதனால் ஒரு தலைப்பை எடுத்தால் அது சம்மந்தமான உண்மை என்ன என்பது என்னவோ சாமான்ய மக்கள் அல்லது அவர்கள் பதிவை படிப்பவர்களால் புரிந்து கொள்ள இயலாது.


எல்லா ஆன்லைன் பதிவுகளும் ஆதாரமற்றவை என்று கூற முடியாது. அனால் அனைவராலும் சரியான உண்மையான பதிவுகளை கண்டறிய முடியுமா என்பதில் ஐயமுள்ளது. இதனால் சிலர் சில செய்திகளையும், குறிப்பிட்ட நபரையும் தவறாக புரிந்து கொள்ளவும் நிறைய வாய்ப்புகள் உள்ளன. தினமும் புதிய வளர்ச்சிகள் ஆன்லைன் உலகத்தில் நடக்கின்றன. போட்டி மனப்பான்மையால் அனைவரும் அதை அறிந்து கொண்டு விட வேண்டும் என்பதில் குறியாக உள்ளனர். இதையெல்லாம் தெரிந்து கொள்ள வேண்டாம், நமக்கு வேண்டியதை மட்டும் செய்து கொண்டு போவோம் என்று யாரேனும் நினைப்பார்களா என்று தெரியவில்லை. அடுத்த தலைமுறை இது போன்ற தொழில்நுட்ப வளர்ச்சியின் போதையில் சிக்கிக்கொள்வார்களோ என்ற பயம் அனைவருக்கும் உள்ளது. இருப்பினும் குழந்தைகள் எல்லாம் தெரிந்து கொள்ள வேண்டும் என்று ஐ பேடையும் மொபைல் போன்களையும் சிறு வயதில் இருந்தே குடுத்து விடுகிறோம்.


வாட்ஸாப்பின் வசதியால் இப்பொழுது மிக அதிக அளவில் படங்கள் மற்றும் விடியோக்கள் பகிரப்படுகின்றன. அதிலும் மீம்ஸ் பகிர்வது பரவலாகிவிட்டது. அதன் மூலம் யாரை வேண்டுமானாலும் காரணமின்றியோ உடனோ கலாய்ப்பதும் வழக்கமாகி விட்டது. அது உண்மையானஒருவரையோ அல்லது ஒருவரின் நம்பிக்கையை காயப்படுத்தும் முறையில் இருப்பது வருத்தம் அளிக்கிறது. இதை எல்லாம் பார்க்கும் போது இந்த தொழில்நுட்ப வளர்ச்சிகள் இல்லாமல் இருந்திருக்கலாம் என்று இருக்கிறது. அனால் பல்வேறு நல்ல விஷயங்களும் உள்ளதால் பயன்படுத்திக் கொள்வதும் நன்று.


பின் குறிப்பு - இந்த பதிவில் உள்ள கருத்துகள் அனைத்தும் என் பார்வையில் தான்.

Tuesday, December 10, 2013

செம குத்து! செம ஆட்டம்! செம உற்சாகம்!

இந்த பதிவுல வர்ற ஆறாவது பாய்ண்ட் எங்க ஊர்ல நான் ரொம்ப ரசித்த ஒரு மலரும் நினைவு.


ஒவ்வொரு வருஷமும் பொங்கல் னு வரும் போது எங்க வீட்டு தெருவில், பல விதமான விளையாட்டுப் போட்டிகள் நடக்கும். அதுல மக்கள் எல்லோரும் ரொம்ப ஆவலா காத்திருப்பது நடனப் போட்டி. பொங்கல் வருவதுக்கு ரெண்டு வாரம் முன்னாடில இருந்து நான், எங்க அண்ணன், மற்றும் சக நண்பர்கள் சேர்ந்து டான்ஸ் ப்ராக்டிஸ் பண்ண ஆரம்பிச்சுருவோம். என்ன பாட்டுக்கு ஆடலாம் னு யோசிப்போம். பசங்க எல்லாம் சேர்ந்து என்ன டூயட் சாங்குக்கா ஆட முடியும். எல்லாம் நம்ம தலைவர் பாட்டு தான் பைனலைஸ் பண்ணுவோம். தலைவர் னா நம்ம சூப்பர் ஸ்டார் தான். ஒரு காலத்துல அவரு படம் வருஷத்துக்கு ஒன்னு வந்துட்டு இருந்துச்சு. அவரு படத்துல வர்ற இன்ட்ரோ சாங் தான் நாங்க ஆடுவோம். நாங்க டான்ஸ் ஆடிய பாடல்களில் சில

1 . வந்தேண்டா பாலுக்காரன், அடடா அ, பசு மாட்ட பத்தி பாட போறேன் - அண்ணாமலை
2 . கும்தலக்கடி கும்தலக்கடி பாட்டு, இந்த குமுடிப்பூண்டி கூட்ஸ் வண்டியில் ஏத்து - மன்னன்
3 . உழைப்பாளி இல்லாத நாடு தான் எங்கும் இல்லேயா - உழைப்பாளி.

ஒரு வருஷம் ஒரு சேஞ்சுக்கு வேறு நடிகர் பாடலுக்கு ஆடினோம். நம்ம இந்திய மைகல் ஜாக்சன் பிரபுதேவா வின் முக்காலா முக்காப்பல்லா பாட்டுக்கு ஆடினோம். இது போல குத்து பாடல்களுக்கு மட்டும் தான் மக்கள் செமையா என்ஜாய் பண்ணினாங்க எங்களுக்கும் குதூகலமா இருக்கும்.




சமீப காலமா சில பல தோல்விகளால் மக்களால் ஓட்டபடுபவர் விஜய். எப்போவுமே ஒருத்தர்கிட்ட இருக்குற நல்ல விஷயங்கள பத்தி பேசணும் னு சொல்லுவாங்க. எனக்கு மட்டும் இல்ல, பெரும்பாலனவர்க்கும் அவரிடம் ரொம்ப பிடித்தது அவருடைய நடனம். சூப்பர் ஸ்டாருக்கு அப்புறம் அவரப் போல இன்ட்ரோ சாங் இருக்கும் னா அது விஜய் படத்துல தான். இப்போ எங்க தெருவுல பொங்கல் நடனப் போட்டிக்கு பசங்க சூஸ் பண்றது விஜய் பாடல்கள் தான். திருமலை படத்துல "தாம் தக்க தீம் தக்க தையத் தக்க கூத்து" பாட்டு, "கில்லி படத்துல சூரத்தேங்கா அட்ரா அட்ரா சூரியனை தொட்ரா தொட்ரா", போக்கிரி ல "ஆடுங்கடா என்ன சுத்தி நா அய்யனாரு வெட்டுக் கத்தி" போன்ற பாடல்கள் எடுத்துக் காட்டு. இந்த வருஷம் ஐ பி எல் கிரிக்கெட் போட்டி பார்க்க நான் ஸ்டேடியம் போயிருந்தேன்.
அங்கயும் சென்னை சூப்பர் கிங்க்சுக்கு பெரும்பாலும் விஜயின் குத்துப் பாடல்கள் தான் போடறாங்க. உண்மையிலேயே இந்த பாடல்கள் நம்மள உற்சாகப் படுத்துது னு நான் நினைக்குறேன். இப்போ சிம்பு, தனுஷ் னு பல பேரு இந்த குத்துப் பாடல்கள் படங்கள் ல வைத்தாலும், விஜயின் நடனத் திறமை உண்மையிலேயே செம.




ஸ்ட்ரீட் கிரிக்கெட்

நீங்க சின்ன வயசுல ஸ்ட்ரீட் கிரிக்கெட் விளையாடி இருக்கீங்களா? அப்டி விளையாடுறப்போ வீட்ல பாட்டி திட்டுவாங்க. கிரிக்கெட் விளையாடனும் னா மைதானத்துக்கு போங்க டா னு. அதை எல்லாம் பொருட்படுத்தாம நடு தெருவில் நாங்க கிரிக்கெட் விளையாடி இருக்கோம். அப்டி விளையாடுறப்போ வீட்டு வெளியே ஏதாவது கண்ணாடி பொருட்கள் இருந்தா அவ்ளோ தான், காலி. அதுக்காகவே ஒரு எல்லை அமைத்துக் கொண்டு அதை தாண்டி த்ரூவா பந்து சென்றால் அவுட் என்று விதிமுறைகளை திருத்தி அமைத்து விளையாடுவோம். இப்படி விளையாடி பழகியதில் ஒரு நல்ல விஷயம் என்னவென்றால் டிபென்சிவ் பேட்டிங் ஐ கற்றுக் கொண்டோம். அதான் ராகுல் திராவிடை போல் மொக்கை போடுவது. ஆனால் அப்போ கூட நமக்கு அவரு அளவுக்கு பொறுமை கிடையாது. கொஞ்சம் தூண்டுவது போல் பந்து போட்டால் அடிக்க வேண்டும் என்று தான் தோணும். அப்டி அடிக்குறப்போ சில சமயம் சிக்சர் போகும், சில சமயம் வீட்டு கண்ணாடி உடையும். அப்புறம் என்ன மான் கராத்தே தான். அப்ஸ்கான்ட்.

இப்போ சின்ன பசங்க எங்கள மாதிரி விளையாடுவாங்க. அப்போ எங்க வீட்டுக்குள்ள பந்து வந்துச்சுனா அவ்ளோ தான், பந்தை குடுக்குறதில்ல. ஹி ஹி ஒரு வீராப்பு தான் சின்ன பொடியன்களிடம்.

டெஸ்ட் கிரிக்கெட்டிற்கு ஒரு நல்ல பயிற்சி மூல தனம் நம்ம விளையாடிய ஒன் பிச் கேட்ச் கிரிக்கெட். நம்மை சுற்றி பல பேர். அவர்களிடம் கேட்ச் குடுக்காமல் லாவகமாக பௌண்டரிகளை பெறுதல். இந்த விளையாட்டில் பொறுமையை கடை பிடிப்பவன் கண்டிப்பாக டெஸ்ட் கிரிக்கெட்டிலும் சிறப்பாக விளையாட ஒரு அடித்தளமாக இருக்கும். ஹ்ம்ம் நாம் இதெல்லாம் சொல்லிக்க நல்லா தான் இருக்கும், அனால் உண்மையில் இன்றைய நாளில் கிரிக்கெட்டில் நுழைவது அவ்வளவு எளிதல்ல.